Arrestohet një grua pas ofendimeve në baza racore në një tramvaj në Londër

Arrestohet një grua pas ofendimeve në baza racore në një tramvaj në Londër

Jo më shumë se 48 orë pas daljes në YouTube të një video klipi ku shihet një grua angleze duke ofenduar në baza racore udhëtarët e tjerë në një tramvaj në Londër, policia e transportit publik e arreston një grua.

Incidenti, i cili u incizua nga një pasagjer, kishte ndodhur në tramvajin e linjës Croydon – Wimbledon në Londër, u postua të dielen në YouTube dhe gjerë më tash është shikuar gati 2.2 milion herë.

Policia britanike e transportit lajmëruan se një grua 34 vjeçe është arrestuar sot në lidhje me këtë incident me dyshimin se ka penguar qetësinë publike me sharje raciste.

Video klipi i cili u përhap shumë shpejtë në Twitter me hashtag-un #MyTramExperience tregon një grua e cila ankohet rreth minoritetet etnike që jetojnë në Britani. Ajo fillon duke thënë: “Në çka është shëndërruar ky vend?…me plot zezakë dhe plot polakë të q…. Ju nuk jeni as anglezë. Askush nga ju nuk është anglez i q…. Shkoni në vendin tuaj, a din cka?
“Rregulloni vendet tuaja. Mos ejani ta bëni timin. Britania është asgjë tash. Britaniq është q.. të gjithë.”

Njëra nga pasagjerët kërkon nga ajo që të mos shajë duke i thënë: “Ka fëmijë të vegjël në tramvaj.” Gruaja tregon me gisht në drejtim të fëmiut në prehërin e saj duke thënë “unë e kam një fëmi të vogël këtu.”

Edhe pasagjerë të tjerë ankohen rreth sharjeve të saja dhe komenteve raciste, por ajo vazhdon edhe për dy minuta të tëra.

Vegëza:
My Tram Experience: http://youtu.be/i47HoiM0Au8
http://twitter.com/#!/search/%23MyTramExperience
http://www.guardian.co.uk/world/2011/nov/28/tram-passenger-racist-abuse-arrested
http://www.google.com/hostednews/ukpress/article/ALeqM5jmkDu2pYpMKNrsSmt-gorOXotFfg?docId=B14683141322523254A00