Rasti i fundit i shqiptarit KB (Ref. (para: 320(7A): “false representations”) Albania [2009] UKAIT 00043) demonstron një rast tipik kur një person mund të humbas nënshtetësinë britanike. Është fjala për nënshtetësinë e fituar nëpërmjet natyralizimit.

Rasti ka të bëjë me involvimin e një gruaje shqiptare e cila kishte aplikuar për vizë martesore me partnerin që ishte shqiptar me shtetësi britanike të natyralizuar. Aplikimi i ishte refuzuar, ajo kishte apeluar në Tribunal të Imigrimit dhe e kishte fituar gjyqin, por Home Office-i kërkuan që ky rast të rikonsiderohet.

Faktet e prapavijës së këtij rasti janë këto: burri i saj që e sponsoronte vizën ishte qytetar britanik i natyralizuar, por me prejardhje nga Shqipëria. Ai kishte ardhur në Mbretërinë e Bashkuar në tetor të vitit 1998. Atëbotë ai kishte thënë se ishte refugjat nga Kosova dhe kishte kërkuar azil.

Ai kishte fituar lejeqëndrimin e përhershëm dhe më vonë kishte aplikuar për nënshtetësi britanike të cilën ai e fiton. Duke bërë këtë ai kishte përsëritur të pavërtetën rreth shtetësisë së tij origjinale, duke thënë se ai ishte nga Morina e Kosovës. Por kur gruaja e tij kishte aplikuar, ajo kishte shkruar në formë prejardhjen e tij të vërtetë, nga Kukësi i Shqipërisë, dhe i lindur me 7 prill 1978. Ajo ia kishte bashkangjitur kësaj forme edhe certifikatën e tij të lindjes si dhe kopjen e pasaportës së tij në të cilën thuhej se ai ishte nga Morina e Kosovës i lindur me 7 prill 1981.

Pas ri-dëgjimit të rastit në Tribunalin e Imigracion kërkuar nga Home Office-i, KB kishte pranuar se ia në fakt ishte nga Shqipëria e jo nga Kosova. Tribunali iu referua amendamentit të Aktit të Shtetësisë Britanike të vitit 2002 që i mundëson Sekretarit të Shtetit t’ja heqë shtetësinë personit i cili e ka fituar atë me mashtrim, reprezentim fals, apo fshehje të faktit material.

Gjatë dëgjimit, ofiqari që përfaqësonte Home Office-in ia dha atij aty-për-aty notifikimin ‘s40’ duke ia hequr shtetësinë britanike.

Tribunali shtoi se ky lloj vendimi mund të apelohet.

Burimi:
http://www.newzimbabwe.com/blog/?p=934