Bamiresi nga Londra

Bamiresi nga Londra

Një grup bashkatdhetarësh, me punë e banim në Londër, të organizuar në shoqërinë sportiste “Basketistat”, kohë më parë dërguan dy mijë euro, që kishin mbledhur gjatë vitit me qëllim që të ndihmonin familje në nevojë në Kosovë, të cilat fatkeqësisht nuk janë pak.

Me rastin e përvjetorit të grevës së xehetarëve, u ndihmuan 28 familje të minatorëve të Trepçës me gjëra ushqimore.

Secila nga familjet përfituese mori nga 100 kilogramë miell, nga 15 litra vaj, nga 10 kilogram sheqer, pastaj kripë, mjete për higjienë e tjera.

Sipas një njoftimi të Kryqit të Kuq i Kosovës, për nevojat e Emergjencës në QKUK-së, Kryqi i Kuq i Kosovës dega në Fushë-Kosovë dhuroi 150 çarçafë, 56 jorganë dhe 16 jastëkë për bebe (foshnje).
Javën e kaluar, KKK-ja nënshkroi Marrëveshjen e Mirëkuptimit me Ministrinë e Punës dhe Mirëqenies Sociale për bashkëpunim në fushën sociale.