Një pronare pabi në Angli gjobitet për shkak të ‘Digitalbit’
Posted on June 26, 2009 by Toplica
Një pronare e një pabi në Huddersfield të Anglisë, Znj Elizabeth Robinson, u gjobit nga stacioni televiziv Sky sepse me 10 janar kishte shfrytëzuar televizionin shqiptar [si duket Digitalb] për emetimin e lojërave të futbollit.
Ajo u shpall e fajshme në mungesë në gjykimin që u mbajt me 9 qershor në Huddersfield Croën Court.
Në gjyq u dëgjua se ajo kishte lejuar që të shihet ndeshja e futbollit Aston Villa kundër West Brom para katër mysafirëve me 10 janar.
Prokurori David O’Del që përfaqëson Media Protection Services Ltd, tha se konsumatorët e Britanisë mund të shohin futboll legalisht vetëm nëpërmjet Sky-it.
“Loja e shikuar në pab në këtë rast ishte nëpërmjet licencës shqiptare. Teknikisht me një pranues sinjali satelitor të madh dhe pozitë të caktuar, shikuesit e Britanisë mund të shohin futbollin shqiptar por jo legalisht.”
Znj Robinson u dënua me £525, mbingarkesë viktime £15 dhe shpenzime gjyqësore prej £1,308.
